മ്യാന്മാറിലെ ബന്മാവ് രൂപതയിലുള്ള സെന്റ് പാട്രിക്ക് കത്തീഡ്രൽ അഗ്നിക്കിരയാക്കപ്പെട്ടു. വിശുദ്ധ പാട്രിക്കിന്റെ തിരുന്നാൾ തലേന്ന്, മാർച്ച് 16-ന് ഞായറാഴ്ച, മ്യാന്മാർ സൈന്യം-എസ്.എ.സി (SAC-State Administration Council) ആ പ്രദേശത്തു നടത്തിയ സൈനിക നടപടിയിലാണ് കത്തീഡ്രലിന് തീപിടിച്ചത്.
ബന്മാവ് രൂപതാ കാര്യാലയങ്ങളും വിദ്യാലയവും അടങ്ങിയിരുന്ന കെട്ടിടസമുച്ചയം ഇക്കാഴിഞ്ഞ ഫെബ്രുവരി 26-ന് കത്തി നശിച്ചിരുന്നു. 2006-ലാണ് ബന്മാവ് രൂപത സ്ഥാപിതമായത്. ബിഷപ്പ് റെയ്മണ്ട് സുംലുത്ത് ഗം ആണ് ഈ രൂപതയുടെ അധ്യക്ഷൻ. സംഘർഷാവസ്ഥയ്ക്കു മുമ്പ് ഈ രൂപതയുടെ അതിർത്തിക്കുള്ളിൽ നാലുലക്ഷത്തിലേറെ നിവാസികളുണ്ടായിരുന്നു. ഇവരിൽ കത്തോലിക്കരുടെ സംഖ്യ 27000 ആയിരുന്നു.
