നവംബർ ആറിന് കുട്ടികളുമായി കൂടിക്കാഴ്ച നടത്തുമെന്ന് ഫ്രാൻസിസ് മാർപാപ്പ അറിയിച്ചു. ഒക്ടോബർ ഒന്നിന് സെന്റ് പീറ്റേഴ്‌സ് സ്‌ക്വയറിലെ ഔദ്യോഗിക കൂടിക്കാഴ്ചയിൽ വച്ചാണ് മാർപാപ്പ ഇപ്രകാരം പങ്കുവച്ചത്.
“കുട്ടികളെപ്പോലെ പരിശുദ്ധമായ വികാരങ്ങളിലേക്കു മടങ്ങുക. കാരണം, സ്വർഗരാജ്യം അവരുടേതാണ്. ബന്ധങ്ങളിൽ എങ്ങനെ സുതാര്യത പുലർത്തണമെന്നും അപരിചിതരെ എങ്ങനെ സ്വീകരിക്കണമെന്നും സൃഷ്ടികളെ എങ്ങനെ പരിപാലിക്കാമെന്നും കുട്ടികൾ നമ്മെ പഠിപ്പിക്കുന്നു” – മാർപാപ്പ സന്ദേശത്തിൽ പങ്കുവച്ചു. അഞ്ചു ഭൂഖണ്ഡങ്ങളിൽനിന്നുള്ള കുട്ടികളുമായി ഫ്രാൻസിസ് പാപ്പാ ഒക്ടോബർ ഒന്നിന് കൂടിക്കാഴ്ച നടത്തിയിരുന്നു.
വി. കൊച്ചുത്രേസ്യായുടെ തിരുനാൾദിനമായ ഒക്ടോബർ ഒന്നിന്, സ്വർഗത്തിലേക്കുള്ള വിശുദ്ധയുടെ കുറുക്കുവഴിയെക്കുറിച്ചും ഒക്ടോബർ 15 -ന് പുറത്തിറക്കുന്ന മാർപാപ്പയുടെ പുതിയ അപ്പസ്തോലികലേഖനത്തെക്കുറിച്ചും പാപ്പാ പങ്കുവച്ചു.
