“പ്രായമാകാതിരിക്കാൻ സഭയ്ക്ക് യുവാക്കളെ ആവശ്യമുണ്ട്” എന്ന വി. ജോൺ പോൾ പാപ്പയുടെ വാക്കുകൾ ഉദ്ധരിച്ചുകൊണ്ട് ആഗോള യുവജനദിനത്തിനായി പ്രാർഥിക്കാൻ ഫ്രാൻസിസ് മാർപാപ്പ ആഹ്വാനം ചെയ്തു. വത്തിക്കാൻ പുറത്തുവിട്ട ഒരു വീഡിയോയിലൂടെയാണ് മാർപാപ്പ ഈ സന്ദേശം പുറത്തുവിട്ടത്.
“സഭ പ്രായമായവർക്കുള്ള ക്ലബ്ബല്ല; യുവജന ക്ലബ്ബുമല്ല. സഭ പ്രായമായതാണെങ്കിൽ മരിച്ചുപോകും. വി. ജോൺ പോൾ പാപ്പ പറയുന്നതുപോലെ, നിങ്ങൾ യുവാക്കളെപ്പോലെ ജീവിക്കുകയാണെങ്കിൽ നിങ്ങളും യുവാക്കളായി മാറും. പ്രായമാകാതിരിക്കാൻ സഭയ്ക്ക് യുവാക്കളെ ആവശ്യമുണ്ട്” – ഫ്രാൻസിസ് മാർപാപ്പ പറഞ്ഞു. യുവാക്കൾ തങ്ങളുടെ ജീവിതംകൊണ്ട് സുവിശേഷം പങ്കുവയ്ക്കുന്നവരാകാനും ആഗോള യുവജനദിനത്തിൽ എല്ലാ യുവജനങ്ങൾക്കുംവേണ്ടി പ്രാർഥിക്കാനും മാർപാപ്പ സന്ദേശത്തിൽ ഓർമ്മപ്പെടുത്തി.
ആഗസ്റ്റ് ഒന്നു മുതൽ ഏഴുവരെയാണ് പോർച്ചുഗലിലെ ലിസ്ബണിൽ ആഗോള യുവജനദിനം കൊണ്ടാടുന്നത്. ആഗസ്റ്റ് മാസത്തിലെ ഫ്രാൻസിസ് മാർപാപ്പയുടെ പ്രാർഥനാനിയോഗവും യുവജനങ്ങളാണ്.
