വി. പത്രോസ്, പൗലോസ് ശ്ലീഹന്മാരുടെ തിരുനാളിന് മുന്നോടിയായി യുദ്ധത്തിൽ തകർന്ന ഉക്രൈനിലും വിശുദ്ധ നാട്ടിലും മ്യാൻമറിലും സമാധാനത്തിനായി ആഹ്വാനം ചെയ്ത് ഫ്രാൻസിസ് മാർപാപ്പ. പൊതു സദസ്സിനുശേഷം ഫ്രാൻസിസ് മാർപാപ്പ ഉക്രൈനിൽ നിന്നുള്ള സ്ത്രീകളെയും അമ്മമാരെയും അഭിവാദ്യം ചെയ്തു.
“ജൂൺ 29-ന് റോമിന്റെ രക്ഷാധികാരികളായ വിശുദ്ധ പത്രോസിന്റെയും പൗലോസിന്റെയും തിരുനാൾ ആഘോഷിക്കുകയാണ്. അവരുടെ മധ്യസ്ഥതയ്ക്കായി, യുദ്ധത്താൽ കഷ്ടപ്പെടുന്ന ജനങ്ങളെയും ഉക്രൈൻ, പാലസ്തീൻ, ഇസ്രായേൽ, മ്യാൻമർ എന്നീ രാജ്യങ്ങളെയും നമുക്ക് ഭരമേൽപ്പിക്കാം. കൂടാതെ, എല്ലായിടത്തും സുവിശേഷത്തിന്റെ സൗന്ദര്യത്തിന് സാക്ഷ്യം വഹിക്കുന്ന ഈ വിശുദ്ധരുടെ മാതൃക അനുകരിക്കാൻ എല്ലാ വിശ്വാസികളോടും ആഹ്വാനം ചെയ്യുന്നു.” ഫ്രാൻസിസ് മാർപാപ്പ വെളിപ്പെടുത്തി.
