കമ്മ്യൂണിസ്റ്റ് പാർട്ടിയുടെ ജനറൽ സെക്രട്ടറിയും വിയറ്റ്നാമിന്റെ മുൻ പ്രസിഡന്റുമായിരുന്ന എൻഗുയെൻ ഫു ട്രോങ്ങിന്റെ മരണത്തിൽ അനുശോചനം രേഖപ്പെടുത്തി ഫ്രാൻസിസ് മാർപാപ്പ. വിയറ്റ്നാമിന്റെ തലസ്ഥാനമായ ഹനോയിയിൽ പ്രായാധിക്യത്താലും ഗുരുതരമായ അസുഖത്തെയും തുടർന്ന് ജൂലൈ 19-നായിരുന്നു അദ്ദേഹത്തിന്റെ അന്ത്യം. 80 വയസായിരുന്നു അദ്ദേഹത്തിന്.
വത്തിക്കാൻ സംസ്ഥാന കാര്യദർശി കർദിനാൾ പിയെത്രൊ പരോളിൻ ജൂലൈ 23-നാണ് ഫ്രാൻസിസ് പാപ്പയുടെ അനുശോചനം അറിയിക്കുന്ന സന്ദേശം വിയറ്റ്നാമിന്റെ പ്രസിഡന്റ് തോ ലാമിന് അയച്ചത്. വിയറ്റ്‌നാമും പരിശുദ്ധ സിംഹാസനവും തമ്മിലുള്ള ബന്ധം വളർത്തിയെടുക്കുന്നതിലും പ്രോത്സാഹിപ്പിക്കുന്നതിലും മുൻ പ്രസിഡന്റിന്റെ പങ്ക് പാപ്പാ തന്റെ അനുശോചനസന്ദേശത്തിൽ അനുസ്മരിച്ചു.
