അമേരിക്കയിലെ മേരിലാൻഡിലെ ചരിത്രപ്രസിദ്ധമായ സെന്റ് മേരീസ് സിറ്റിയിൽ സ്ഥിതിചെയ്യുന്ന ബ്രിക്ക് ചാപ്പൽ 300 വർഷങ്ങൾക്കുശേഷം പൊതുജനങ്ങൾക്കായി തുറക്കുന്നു. ഏപ്രിൽ മാസം 12 നാണു ചാപ്പലിന്റെ വാതിലുകൾ തുറക്കുക. 300 വർഷങ്ങൾക്ക് മുമ്പ് അടച്ചിട്ടതിനുശേഷം ആദ്യമായി സന്ദർശകർക്ക് അൾത്താര, അൾത്താര റെയിൽ, കൂടാരം എന്നിവയുൾപ്പെടെ പൂർണ്ണമായും പൂർത്തിയായ ഇന്റീരിയർ പര്യവേക്ഷണം ചെയ്യാൻ കഴിയും.
1667-ൽ നിർമ്മിച്ച ബ്രിക്ക് ചാപ്പൽ മൂന്ന് നൂറ്റാണ്ടിലേറെയായി അടച്ചിട്ടിരിക്കുകയായിരുന്നു. മേരിലാൻഡിന്റെ മതസ്വാതന്ത്ര്യ കേന്ദ്രങ്ങളിലൊന്നാണ് ഈ ദൈവാലയം. ബ്രിക്ക് ചാപ്പൽ വെറുമൊരു കെട്ടിടമല്ല; പതിനേഴാം നൂറ്റാണ്ടിലെ മതപരമായ ആചാരങ്ങളെക്കുറിച്ചുള്ള ധാരണയ്ക്ക് വിവരങ്ങൾ സമ്മാനിച്ചതാണ്.
1930-കളിൽ ഉത്ഖനനം ആരംഭിച്ചതിനുശേഷം, സമീപത്ത് 200-ലധികം ശ്മശാനങ്ങൾ കണ്ടെത്തിയിട്ടുണ്ടെന്ന് സൈറ്റ് രേഖകൾ പറയുന്നു. ഈ ശ്മശാനങ്ങൾ ആദ്യകാല കുടിയേറ്റക്കാരുടെ കഥകൾ രഹസ്യമായി പറയുകയും 17-ാം നൂറ്റാണ്ടിലെ വിശ്വാസാചാരങ്ങൾ വെളിപ്പെടുത്തുകയും ചെയ്യുന്നു.
