പ്രതിഭകൾ സഭയോടും സമൂഹത്തോടും പ്രതിബദ്ധതയുള്ളവരായിരിക്കണമെന്ന് മേജർ ആർച്ചുബിഷപ്പ് മാർ റാഫേൽ തട്ടിൽ. സീറോമലബാർ സഭ വിശ്വാസപരിശീലന കമ്മീഷൻ സംഘടിപ്പിച്ച പ്രതിഭാസംഗമത്തിന്റെ സമാപനസമ്മേളനം സഭാ ആസ്ഥാനമായ മൗണ്ട് സെന്റ് തോമസിൽ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
വിവിധ രൂപതകളിൽ പ്ലസ് ടു ക്ലാസ്സിൽ വിശ്വാസപരിശീലനം നടത്തുന്ന വിദ്യാർഥികളിൽനിന്ന് തിരഞ്ഞെടുക്കപ്പെട്ട 58 പ്രതിഭകളാണ് സംഗമത്തിൽ പങ്കെടുത്തത്. സഭ നൽകുന്ന അവസരങ്ങളും സാധ്യതകളും പ്രയോജനപ്പെടുത്തി സഭയുടെ സ്വപ്നങ്ങൾക്കും സമൂഹത്തിന്റെ നന്മകൾക്കും നിറം പകരുന്നവരാകണം പ്രതിഭകളെന്ന് മേജർ ആർച്ചുബിഷപ്പ് ഓർമപ്പെടുത്തി.
ജെറാർഡ് ജോൺ പന്തപ്പിള്ളിൽ (താമരശേരി), ആൽബിൻ സിബിച്ചൻ പള്ളിച്ചിറ (തലശേരി), മാനുവൽ ജോസഫ് മഞ്ഞളി (രാമനാഥപുരം), നൈബിൻ എം. ഷിജിൻ പുത്തൻപുര (പാലാ), സാം പന്തമാക്കൽ (ബെൽത്തങ്ങാടി), ട്രീസ ജെയിംസ് വട്ടപ്പാറ (ചങ്ങനാശേരി), റിമ ഷാജി വലിയകുന്നേൽ (ഇടുക്കി), ആൻമരിയ എസ്. മംഗലത്തുകുന്നേൽ (കോതമംഗലം), സാന്ദ്ര ജോബി കോനുക്കുടി (എറണാകുളം), എയ്ഞ്ചൽ പി. ജെ. പാലയൂർ (തൃശൂർ) എന്നിവരാണ് 2024 ലെ സീറോമലബാർ വിശ്വാസപരിശീലന പ്രതിഭാപുരസ്‌കാരത്തിന് അർഹരായവർ. മേജർ ആർച്ചുബിഷപ്പ് മാർ റാഫേൽ തട്ടിൽ പിതാവ് പ്രതിഭകളെ അഭിനന്ദിക്കുകയും അവാർഡുകൾ നൽകുകയും ചെയ്തു.
ഫാ. മനു പൊട്ടനാനിയിൽ എം. എസ്. ടി., സി. ജിസ്‌ലറ്റ് എം. എസ്. ജെ., ശ്രീ. ജെബിൻ കുഴിമാലിൽ എന്നിവരാണ് മൂന്നു ദിവസങ്ങൾ നീണ്ടുനിന്ന പ്രതിഭാസംഗമത്തിന് നേതൃത്വം നൽകിയത്. വിശ്വാസപരിശീലന കമ്മീഷൻ ചെയർമാൻ മാർ ജോസ് പുളിക്കൽ, മാർ പോൾ ആലപ്പാട്ട്, മാർ സെബാസ്റ്റ്യൻ വാണിയപുരയ്ക്കൽ, ഫാ. തോമസ് മേൽവെട്ടത്ത്, ഫാ. ജോസഫ് തോലാനിക്കൽ, ഫാ. ജിഫി മേക്കാട്ടുകുളം, ഫാ. സന്തോഷ് ഓലപ്പുരയ്ക്കൽ, ഫാ. പ്രകാശ് മാറ്റത്തിൽ, അഡ്വ. ജസ്റ്റിൻ പള്ളിവാതുക്കൽ, ശ്രീ. ബേബി ജോൺ കലയന്താനി, സി. ജിൻസി ചാക്കോ എം. എസ്. എം. ഐ. എന്നിവർ ക്ലാസ്സുകൾ നയിച്ചു.
ഫാ. ഡോ. ആന്റണി വടക്കേകര വി. സി., പി. ആർ. ഒ., സീറോമലബാർ സഭ & സെക്രട്ടറി, മീഡിയ കമ്മീഷൻ
