പാക്കിസ്ഥാനിൽ തട്ടിക്കൊണ്ടുപോയി നിർബന്ധിച്ച് ഇസ്ലാം മതം സ്വീകരിപ്പിക്കുകയും വിവാഹം കഴിക്കുകയും ചെയ്ത ക്രിസ്ത്യൻ യുവതി ആറ് മാസത്തിനുശേഷം രക്ഷപ്പെട്ടു. 18 വയസ്സുള്ള ക്രിസ്ത്യൻ യുവതി തന്റെ കത്തോലിക്കാ കുടുംബവുമായി വീണ്ടും ഒന്നിച്ചു.
ജൂൺ 28-ന് ലാഹോറിലെ ഒരു കോൾ സെന്ററിലെ ജോലികഴിഞ്ഞ് വീട്ടിലേക്ക് മടങ്ങുമ്പോഴാണ് യുവതിയെ തട്ടിക്കൊണ്ടുപോയത്. മാതാപിതാക്കളായ അല്ലാഹു ദിത്തയും അസ്ര ബീബിയും തീവ്രമായതിരച്ചിൽ നടത്തിയെങ്കിലും മകളെ കണ്ടെത്താനായില്ല. അടുത്ത ദിവസം ഡിത്ത ഷഹ്ദര പൊലീസിൽ എഫ് ഐ ആർ ഫയൽ ചെയ്തു. മകളെ അജ്ഞാതർ തട്ടിക്കൊണ്ടുപോയതിൽ ആശങ്ക പ്രകടിപ്പിച്ചെങ്കിലും പൊലീസ് നടപടിയൊന്നും എടുത്തില്ലെന്നും മാതാപിതാക്കൾ പറയുന്നു.
“എഫ് ഐ ആർ രജിസ്റ്റർ ചെയ്തിട്ടും, മകളെ കണ്ടെത്താൻ പൊലീസ് ഒരു ശ്രമവും നടത്തിയില്ല. സംശയിക്കുന്നവരുടെ പേരുനൽകാൻ അവർ ഞങ്ങളോട് ആവശ്യപ്പെട്ടു. പക്ഷേ, ഒരു സൂചനപോലും ഇല്ലാതെ ഞങ്ങൾ ആരുടെ പേരുനൽകും?” – മാതാപിതാക്കൾ പറയുന്നു.
ആഴ്ച്ചകളായുള്ള അന്വേഷണത്തിന്റെ ഫലമായാണ് ഹുമയെ അബ്ദുൽ ബാസിത് ബട്ട് എന്ന മുസ്ലീം യുവാവ് തട്ടിക്കൊണ്ടുപോയതെന്ന് മാതാപിതാക്കൾ കണ്ടെത്തിയത്. അയാൾ അവളെ നിർബന്ധിച്ച് ഇസ്ലാം മതത്തിലേക്ക് മതപരിവർത്തനം ചെയ്യുകയും യുവതിയുടെ ഇഷ്ടത്തിന് വിരുദ്ധമായി വിവാഹം കഴിക്കുകയും ചെയ്തു.
ജനുവരി 16-ന്, ബട്ടിന്റെ കസ്റ്റഡിയിൽ നിന്ന് രക്ഷപ്പെടാൻ ഹുമയ്‌ക്ക് കഴിഞ്ഞത് ആ കുടുംബത്തിന് ആശ്വാസമായെങ്കിലും ഇപ്പോഴും മകൾക്ക് നേരെ ഭീഷണികൾ നിലനിൽക്കുന്ന ആശങ്കയിലാണ് ഈ കുടുംബം.
