നാഡികളുടെ പ്രവർത്തനങ്ങൾ നിയന്ത്രിക്കുക, എല്ലുകൾക്കും പല്ലുകൾക്കും ഘടന നൽകുക തുടങ്ങിയവയിൽ ഒരു പ്രധാനപങ്കു വഹിക്കുന്ന ധാതുവാണ് കാൽസ്യം. പാല് കുടിച്ചാൽ ശരീരത്തിനുവേണ്ട അധികം കാൽസ്യം ലഭിക്കുമെന്നാണ് ചെറുപ്പം മുതൽ നാം കേട്ടുവളർന്നത്. എന്നാൽ പാൽ മാത്രമല്ല, പാലിനെക്കാൾ കൂടുതൽ കാൽസ്യം ലഭ്യമാക്കുന്ന മറ്റു ചില ഭക്ഷണങ്ങളുമുണ്ട്.
ശരീരത്തിന് കാൽസ്യം ലഭ്യമാക്കുന്നത് വർധിപ്പിക്കണമെങ്കിൽ കാൽസ്യം കൂടുതലടങ്ങിയ ഭക്ഷണങ്ങൾ കഴിക്കേണ്ടത് അത്യാവശ്യമാണ്. പലരുടെയും ഭക്ഷണക്രമത്തിൽ പാൽ കാൽസ്യത്തിന്റെ ഒരു പ്രധാന ഉറവിടമാണെങ്കിലും മറ്റുപല ഭക്ഷണങ്ങളിലും കാൽസ്യം ധാരാളമായി അടങ്ങിയിട്ടുണ്ട്; ചിലത് പാലിനെക്കാൾ കൂടുതൽ നൽകുന്നു. അവ ഏതൊക്കെയാണെന്നു നോക്കാം.
തൈര്
കാൽസ്യം, പ്രോട്ടീൻ, വിറ്റാമിൻ ബി 12 തുടങ്ങിയ അവശ്യ പോഷകങ്ങളാൽ സമ്പന്നമായ പുളിപ്പിച്ച ഒരു പാലുൽപന്നമാണ് തൈര്. ഒരുപക്ഷെ, കുട്ടികളും മുതിർന്നവരും ഒരുപോലെ ഇഷ്ടപ്പെടുന്ന ഒരു ഉൽപന്നവുമാണ് പാൽ. ഒരു കപ്പ് തൈരിൽ 415 മില്ലിഗ്രാം കാൽസ്യം അടങ്ങിയിരിക്കുന്നു. അതായത് ഡിവിയുടെ 32%. പതിവായി തൈര് കഴിക്കുന്ന കുട്ടികൾക്കും മുതിർന്നവർക്കും കാൽസ്യം, മഗ്നീഷ്യം, പൊട്ടാസ്യം, വിറ്റാമിൻ ഡി എന്നിവയുടെ അളവ് കൂടുതലാണെന്ന് പഠനങ്ങൾ കാണിക്കുന്നു.
മൊസറെല്ല ചീസ്
ഒരു കപ്പ് പൊടിച്ച മൊസറെല്ല ചീസിൽ 566 മില്ലിഗ്രാം കാൽസ്യം അടങ്ങിയിരിക്കുന്നു. ദഹനത്തെ മന്ദഗതിയിലാക്കാൻ പ്രോട്ടീൻ സഹായിക്കുന്നു. ഇത് കഴിച്ചതിനുശേഷം വയറു നിറയുന്നതായി അനുഭവപ്പെടുകയും രക്തത്തിലേക്ക് പഞ്ചസാര ആഗിരണം ചെയ്യുന്നത് മന്ദഗതിയിലാക്കുകയും ചെയ്യുന്നു. മൊസറെല്ല പോലുള്ള പ്രോട്ടീൻ അടങ്ങിയ ഭക്ഷണങ്ങൾ ലഘുഭക്ഷണത്തിൽ ഉൾപ്പെടുത്തുന്നത് അനുയോജ്യമായ ശരീരഭാരം നിലനിർത്താനും രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കും.
ഫോർട്ടിഫൈഡ് ഓറഞ്ച് ജ്യൂസ്
ചില ജ്യൂസുകളിൽ കാൽസ്യം അടങ്ങിയിട്ടുണ്ട്. ഫോർട്ടിഫൈഡ് ഭക്ഷണങ്ങൾ പൊതുജനങ്ങളുടെ ഭക്ഷണത്തിൽ കാൽസ്യം പോലുള്ള ചില പോഷകങ്ങളുടെ ഉപഭോഗം മെച്ചപ്പെടുത്താൻ സഹായിക്കുന്നു. ഒരു കപ്പ് ഫോർട്ടിഫൈഡ് ഓറഞ്ച് ജ്യൂസിൽ 349 മില്ലിഗ്രാം കാൽസ്യം അടങ്ങിയിരിക്കുന്നു. വിറ്റാമിൻ സിയുടെ മികച്ച ഉറവിടമാണ് ഓറഞ്ച് ജ്യൂസ്. കൂടാതെ ശരീരത്തിലെ ശക്തമായ ഒരു ആന്റിഓക്‌സിഡന്റ് കൂടിയാണ് വിറ്റാമിൻ സി. കൊളാജൻ ഉത്പാദനം, രോഗപ്രതിരോധ പ്രവർത്തനം എന്നിവയ്ക്കും മറ്റും ഇത് ആവശ്യമാണ്.
ഫോർട്ടിഫൈഡ് ബദാം മിൽക്ക്, ആൽമണ്ട് മിൽക്ക്
കാൽസ്യം പോലുള്ള നിരവധി ധാതുക്കളാൽ സമ്പുഷ്ടമാണ് ബദാം മിൽക്ക്, ആൽമണ്ട് മിൽക്ക് എന്നിവ. ഒരു കപ്പ് ആൽമണ്ട് ബ്രീസ് അൺസ്വീറ്റൻഡ് ഒറിജിനൽ ആൽമണ്ട് മിൽക്കിലും ബദാം മിൽക്കിലും 450 മില്ലിഗ്രാം കാൽസ്യം അടങ്ങിയിരിക്കുന്നു. നിങ്ങൾ ഒരു സസ്യാഹാരി ആണെങ്കിൽ ഫോർട്ടിഫൈഡ് ബദാം പാലോ, ആൽമണ്ട് പാലോ തിരഞ്ഞെടുക്കുന്നത് നിങ്ങളുടെ ദൈനംദിന കാൽസ്യം ആവശ്യങ്ങൾ നിറവേറ്റാൻ സഹായിക്കും. ലാക്ടോസ് അസഹിഷ്ണുതയും പാലുൽപന്നങ്ങളോട് അലർജിയുമുള്ള ആളുകൾക്കും ബദാം മിൽക്കും ആൽമണ്ട് മിൽക്കും സുരക്ഷിതമായ ഒരു ഓപ്ഷനാണ്.
