ഒരു വിധവയെയും മൂന്ന് പെണ്മക്കളെയും വേശ്യവൃത്തിയിൽനിന്നും രക്ഷിക്കാൻ നിക്കോളാസ് എന്ന വൈദികൻ അവർക്ക് സമ്മാനപ്പൊതികൾ നൽകി പിന്തിരിപ്പിക്കാൻ ശ്രമിക്കുന്നു. എന്നും രാത്രിയിൽ ഇവരുടെ വീടിന്റെ ജാലകങ്ങൾവഴി വീട്ടുകാരറിയാതെ സമ്മാനപ്പൊതികൾ വച്ചിട്ടുപോകും. അതിൽ അവർക്ക് ജീവിക്കാനാവശ്യമായ പണമോ, മറ്റു വസ്തുക്കളോ ഉണ്ടായിരിക്കും. ഈ വൈദികനാണ് പിന്നീട് വി. നിക്കോളാസ് ആയി അറിയപ്പെട്ടത്.
ക്രിസ്തുമസ് കാലമാകുമ്പോൾ നമ്മുടെ ഓർമ്മയിലേക്ക് കടന്നുവരുന്ന ഒരാളാണ് സാന്താക്‌ളോസ്. ഈ ഒരാശയം രൂപപ്പെടുന്നത് വി. നിക്കോളാസിന്റെ ജീവിതത്തിലെ ഈ സംഭവത്തിൽനിന്നാണ്. വി. നിക്കോളാസിന്റെ ഈ വലിയ ജീവിതമാതൃക ഇന്നും വ്യത്യസ്തരീതിയിൽ ലോകം മുഴുവനും ആഘോഷിക്കുന്നുണ്ട്.
മറ്റുള്ളവർക്ക് നന്മചെയ്യാനുള്ള ആഹ്വാനമാണ് വി. നിക്കോളാസിന്റെ ജീവിതം നമ്മെ പഠിപ്പിക്കുന്നത്. മറ്റുള്ളവരുടെ ആവശ്യങ്ങളിൽ അവരെ സഹായിക്കാനുള്ള വലിയ പ്രചോദനമാണ് ഈ വിശുദ്ധന്റെ ജീവിതം നമ്മെ തരുന്നത്. ആരാലും അറിയപ്പെടാതെ മറ്റുള്ളവർക്ക് നന്മചെയ്യാനുള്ള വലിയ പ്രചോദനവും ഈ ആധുനികലോകത്തിൽ നമുക്ക് വലിയ പാഠമാകട്ടെ.
