ഓരോ ദിവസവും ദൈവം നമുക്കു നൽകുന്ന അനുഗ്രഹങ്ങൾക്ക് അവിടുത്തോട് നന്ദി പറയാൻ കടപ്പെട്ടവരാണ് നാം. നന്ദി പ്രകടിപ്പിക്കാൻ വിശുദ്ധരുടെ ചില നിർദേശങ്ങൾ ഇതാ.
1. കൽക്കട്ടയിലെ വി. മദർ തെരേസ
“കൃതജ്ഞത പ്രകടിപ്പിക്കാനുള്ള ഏറ്റവും നല്ല മാർഗം, എന്റെ എല്ലാം – പ്രശ്നങ്ങൾപോലും – സന്തോഷത്തോടെ സ്വീകരിക്കുക എന്നതാണ്.”
2. വി. ജിയന്ന ബെറെറ്റ മൊല്ല
“സന്തോഷത്തിന്റെ രഹസ്യം നിമിഷംതോറും ജീവിക്കുകയും ദൈവം അനുദിനം നമ്മിലേക്കു വർഷിക്കുന്ന എല്ലാറ്റിനും നന്ദി പറയുകയും ചെയ്യുക.”
3. വി. ജോൺ പോൾ രണ്ടാമൻ പാപ്പ
“ഭൂതകാലത്തെ നന്ദിയോടെ ഓർക്കാനും വർത്തമാനകാലം ഉത്സാഹത്തോടെ ജീവിക്കാനും ആത്മവിശ്വാസത്തോടെ ഭാവിയിലേക്കു നോക്കാനും നന്ദിയുള്ള മനസ്സ് നമ്മെ ക്ഷണിക്കുന്നു.”
4. വി. കൊച്ചുത്രേസ്യ
“യേശു നമ്മിൽനിന്ന് വലിയ പ്രവൃത്തികൾ ആവശ്യപ്പെടുന്നില്ല. സമർപ്പണവും കൃതജ്ഞതയും മാത്രമാണ് ആഗ്രഹിക്കുന്നത്.”
5. വി. ജോസ്മരിയ എസ്‌ക്രിവ
“ഒരുദിവസം പലപ്രാവശ്യം നന്ദിപ്രകടനങ്ങളിലൂടെ നിങ്ങളുടെ ഹൃദയം ദൈവത്തിലേക്ക് ഉയർത്താൻ ശീലിക്കുക.”
6. ആവിലയിലെ വി. തെരേസ
“എല്ലാ സൃഷ്ടികളിലും ദൈവത്തിന്റെ കരുതലും ജ്ഞാനവും വിവേചിച്ചറിയുക. എല്ലാറ്റിലും അവനു നന്ദിപറയുക.”
7. വാഴ്ത്ത. സോളനസ് കേസി
“എല്ലാത്തിനും മുൻകൂട്ടി ദൈവത്തിനു നന്ദി.”
8. വി. മേരി എവുപ്രാസിയ പെല്ലെറ്റിയർ
“കൃതജ്ഞത ഹൃദയത്തിന്റെ ഓർമയാണ്.”
9. വി. ജോൺ വിയാനി
“വിശ്വസിക്കുകയും ആരാധിക്കുകയും ചെയ്യുക. യേശുക്രിസ്തു മറിയത്തിന്റെ ഉദരത്തിൽ ഒൻപതു മാസം ആയിരുന്നതുപോലെ, കുരിശിൽ തറച്ചതുപോലെ, ഈ കൂദാശയിലും യേശുക്രിസ്തു ഉണ്ടെന്നു വിശ്വസിക്കുക. എളിമയിലും കൃതജ്ഞതയിലും ആരാധിക്കുക.”
10. അസീസിയിലെ വി. ഫ്രാൻസിസിന്റെ ‘സൂര്യകീർത്തനം’
“എന്റെ കർത്താവേ, നിന്റെ എല്ലാ സൃഷ്ടികളിലൂടെയും സ്തുതിക്കപ്പെടുക; പ്രത്യേകിച്ച്, സഹോദരൻ സൂര്യനിലൂടെ. ആരാണ് ദിവസം കൊണ്ടുവരുന്നത്. നിങ്ങൾ അവനിലൂടെ പ്രകാശം നൽകുന്നു. അവൻ സുന്ദരനും തന്റെ എല്ലാ തേജസ്സുകളോടുംകൂടി പ്രകാശമാനവുമാണ്. അത്യുന്നതനായ നിങ്ങളിൽ അവൻ സാദൃശ്യം വഹിക്കുന്നു. എന്റെ കർത്താവേ, സഹോദരി ചന്ദ്രനിലൂടെയും നക്ഷത്രങ്ങളിലൂടെയും സ്തുതിക്കപ്പെടുക; സ്വർഗത്തിൽ നീ അവയെ ശോഭയുള്ളതും വിലയേറിയതും മനോഹരവുമാക്കിയിരിക്കുന്നു. എന്റെ കർത്താവിനെ സ്തുതിക്കുകയും വാഴ്ത്തുകയും ചെയ്യുക. നന്ദിപറയുകയും വളരെ വിനയത്തോടെ അവനെ സേവിക്കുകയും ചെയ്യുക.”
