“ഇതുപോലുള്ള വിശ്വാസം ഇസ്രായേലിൽ ഒരുവനിൽപ്പോലും ഞാൻ കണ്ടിട്ടില്ല” എന്നാണ് യേശു പറയുന്നത്. “ഞാൻ വന്ന് സുഖപ്പെടുത്താം” എന്ന യേശുവിന്റെ നല്ല മനസ്സിന്, “നീ എന്റെ ഭവനത്തിൽ പ്രവേശിക്കാൻ ഞാൻ യോഗ്യനല്ല; നീ ഒരു വാക്ക് ഉച്ചരിച്ചാൽ മാത്രം മതി, എന്റെ ഭൃത്യൻ സുഖപ്പെടും” എന്ന ശതാധിപന്റെ വാക്യത്തിനു മറുപടിയായാണ് ഈശോ ഇങ്ങനെ പറയുന്നത്.
വലിയ വിശ്വാസമാണ് ശതാധിപനുള്ളത്. ആ വലിയ വിശ്വസത്തെയാണ് ഈശോ വിലമതിക്കുന്നത്. ദൈവത്തിലും ദൈവം ഒരുക്കിയിരിക്കുന്ന ജീവിതപദ്ധതികളിലും നമുക്ക് എന്തുമാത്രം വിശ്വാസമുണ്ടെന്ന് ധ്യാനിക്കേണ്ടത് ആവശ്യമാണ്. വിശ്വാസമാണ് നമ്മുടെ ചെയ്തികളിലൂടെ പ്രകടമാകുന്നത്. മറ്റുള്ളവരുടെ മുൻപിൽ വെളിച്ചമായി നമ്മുടെ വിശ്വാസം തെളിഞ്ഞുനിൽക്കട്ടെ. വിശ്വാസം നമ്മുടെ ജീവിതത്തിൽ അത്ഭുതങ്ങൾ സൃഷ്ടിക്കട്ടെ.
ഫാ. ജി. കടൂപ്പാറയില്‍ MCBS
